Kort.
Með Korta-forritinu geturðu séð hvar á kortinu þú ert staddur,
skoðað kort yfir ýmsar borgir og lönd, leitað að
heimilisföngum og ýmsum áhugaverðum stöðum. Einnig er
hægt að velja leiðir og fá aksturs- og gönguleiðsögn. Ef þú
vistar uppáhaldsstaði og -leiðir í Nokia-áskriftinni þinni
geturðu raðað þeim í flokka og samstillt vistuðu hlutina milli
tækisins og netþjónustu Ovi-korta.
Einnig geturðu skoðað upplýsingar um veður, umferð,
viðburði, ferðir eða annað sem er á döfinni, ef slíkt er í boði
í viðkomandi landi eða svæði.
Þegar þú notar Kortaforritið í fyrsta skipti þarftu e.t.v. að velja
internetaðgangsstað til að geta hlaðið niður kortum.
Þegar virk gagnatenging er í gangi og kortið er skoðað á
skjánum er nýju korti hlaðið sjálfkrafa niður ef farið er inn á
svæði sem ekki er á kortunum sem búið er að hlaða niður.
Einnig er hægt að nota Nokia Map Loader hugbúnaðinn til að
hlaða niður kortum. Til að setja Nokia Map Loader upp á
samhæfri tölvu skaltu fara á www.nokia.com/maps.
Til athugunar: Við niðurhal á efni eins og kortum,
gervihnattamyndum, hljóðskrám eða umferðarupplýsingum
getur verið um mikinn gagnaflutning að ræða (sérþjónusta).
Ábending: Til að spara gagnaflutningsgjöld er einnig
hægt að nota Korta-forritið án internettengingar og
skoða kort sem vistuð eru í tækinu eða á minniskorti,
ef það er tiltækt. Ef Korta-forritið er notað án
nettengingar eru sumir þjónustuliðir ekki tiltækir.
Nánast öll stafræn kort eru ónákvæm og ófullnægjandi að
einhverju leyti. Aldrei skal treysta eingöngu á kort sem hlaðið
hefur verið niður til notkunar með þessu tæki.
Efni á borð við gervihnattarmyndir, leiðbeiningar, veður- og
umferðarupplýsingar og tengd þjónusta er útbúin af þriðju
aðilum sem tengjast ekki Nokia. Efnið kann að vera
ónákvæmt og ófullnægjandi að einhverju leyti og veltur á
framboði. Aldrei skal treysta eingöngu á fyrrgreint efni og
tengda þjónustu.
Frekari upplýsingar um Korta-forritið í tækinu er að finna á
www.nokia.com/support.